Breyta tengiliðum hjá ISNIC vegna „.is“ léna
Innskráning
- Farðu á innskráningarsíðuna hjá ISNIC: https://isnic.is/is/site/login
- Skráðu þig inn með notandaeinkenninu þínu, en það getur t.d. litið svona út: ABC123
Athugaðu að leiðbeiningar frá ISNIC má finna á vefnum þeirra: https://isnic.is/is/faq
- Þegar þú hefur skráð þig inn smellir þú á valmyndina Lén og velur Skipta um tengiliði.
Veldu það/þau lén sem um ræðir með því að setja hak fyrir framan lénið/lénin í listanum.
Svo setur þú TechSupport sem Tæknilegan tengilið (valkvætt að skrá líka Tengilið rétthafa).
Notandauðkenni TechSupport er: TTE93-IS (ekki þarf að skrifa „-IS“)
TechSupport.is býður upp á þá þjónustu að sjá til þess að árgjald lénsins sé greitt og sendir þér reikning fyrir því.
Þá er notandaauðkenni TechSupport einni bætt við Greiðandi.
Tilgangur þjónustunnar er aðeins til að einfalda reiknignamál, þ.e. að fá reikninga frá færri aðilum til þæginda.
Ekki er skylda að nýta þessa þjónustu.
Óska þarf eftir þessari þjónustu fyrirfram.
Ég man ekki notandanafnið
Til að finna notandanafnið sem hefur réttindi á léninu er best að fletta því upp hjá ISNIC: https://isnic.is/is/whois/search
Sá notandi sem er listaður sem Rétthafi hefur öll réttindi en Tengiliður rétthafa og Tæknilegur tengiliður geta gert ákveðnar breytingar á léninu. Mjög algengt er að sami notandinn sé með nokkur eða öll hlutverk þarna.
ISNIC er með ítarlegar upplýsingar um réttindi sérhvers tengiliðs: https://isnic.is/is/faq#q7-1
Ef smellt er á notandanafnið þarna er stundum hægt að sjá skráð tölvupóstfang notandareikningsins.
Ég man ekki lykilorðið
Smelltu á Týnt lykilorð, eða fylgdu þessari slóð: https://isnic.is/is/contact/forgot_pass
Þú færð leiðbeiningar frá ISNIC í skráð tölvupóstfang. Ef þú veist ekki hvaða tölvupóstfang er skráð eða ef póstfangið er ekki lengur í gildi þarf að hafa samband við ISNIC. Best er að fylla út viðeigandi form og senda til þeirra: https://isnic.is/is/whois/forms