Spurt og svarað um ISNIC og þjónustuvefinn þeirra
Leiðbeiningarnar hér að neðan geta breyst án fyrirvara. Ef þessar upplýsingar verða úreltar þá er best að fara beint í hjálparsíðu ISNIC: https://www.isnic.is/is/faq
Ég man ekki notandanafnið mitt
Til að finna notandanafnið sem hefur réttindi á léninu er best að fletta því upp hjá ISNIC: https://isnic.is/is/whois/search
Sá notandi sem er listaður sem Rétthafi hefur öll réttindi en Tengiliður rétthafa og Tæknilegur tengiliður geta gert ákveðnar breytingar á léninu. Mjög algengt er að sami notandinn sé með nokkur eða öll hlutverk þarna.
ISNIC er með ítarlegar upplýsingar um réttindi sérhvers tengiliðs: https://isnic.is/is/faq#q7-1
Ef smellt er á notandanafnið þarna er stundum hægt að sjá skráð tölvupóstfang notandareikningsins.
Ég man ekki lykilorðið
Smelltu á Týnt lykilorð, eða fylgdu þessari slóð: https://isnic.is/is/contact/forgot_pass
Þú færð leiðbeiningar frá ISNIC í skráð tölvupóstfang. Ef þú veist ekki hvaða tölvupóstfang er skráð eða ef póstfangið er ekki lengur í gildi þarf að hafa samband við ISNIC. Best er að fylla út viðeigandi form og senda til þeirra: https://isnic.is/is/whois/forms
Þú getur athugað hvort netfangið fyrir notandann sé opinbert með því að leita að léninu (leit efst á síðunni) og smella á viðeigandi tengilið. Ef um einstaklingsskráningu er að ræða eru þessar upplýsingar almennt ekki opinberar.
Hvað er ISNIC og hvert er þeirra hlutverk varðandi lénið mitt?
ISNIC - Internet á Íslandi hf. hefur yfirumsjón með höfuðléninu IS, þ.e. lénum sem hafa endinguna „.is“.
Þeirra hlutverk er aðeins að sjá til þess að upplýsa Internetið um hvar þitt lén er vistað.
Þegar þú hýsir lénið þitt hjá okkur þarf ISNIC að vísa á okkar netþjón, sem síðan annað hvort hýsir vefsíðuna þína og tölvupóstþjónustu, eða veit hvar það er að finna á Internetinu.
ISNIC hýsir því engar vefsíður eða tölvupóst og þeirra hlutverk er eingöngu skorðað vísa á hýsingarðaila (eða veita mjög einfalda DNS þjónustu).
Til þess að við getum uppfært stillingar fyrir þitt lén og látið ISNIC vísa því á okkar vefhýsingarkerfi þarf að gera okkur að tæknilegum tengilið.